Die polisie het ʼn volskaalse soektog van stapel gestuur nadat drie verhoorafwagtende gevangenes op 26 November uit polisieaanhouding in Middelburg, Mpumalanga, ontsnap het.
Die mans is:
* Mduduzi Nkosi (34), wat in hegtenis geneem is vir ʼn reeks kriminele misdrywe soos roof met verswarende omstandighede, moord en ander ernstige oortredings.
* Simphiwe Ngobeni (33), wat in hegtenis geneem is vir die besit van gesteelde eiendom.
* Lucky Thabang Mnisi (21), wat in hegtenis geneem is vir diefstal.
Brig. Selvy Mohlala, ʼn polisiewoordvoerder, het gesê ʼn interne ondersoek word gedoen om te bepaal hoe die mans ontsnap het.
Die polisie versoek mense wat die mans opmerk om lt.kol. Johan Prinsloo by 082 565 7150 of 013 249 1600 te bel.
Hoe gebeur dit ???
Ek dink die plaasbewoners in Middelburg-omgewing sal nou op hul hoede moet wees want hierdie uitvaagsels gaan sekerlik iewers toeslaan as die polisie hulle nie vining opspoor nie. Die een was reeds in hegtenis vir moord en roof.