Die lugskou in Klerksdorp is gestaak ná ʼn noodlottige ongeluk Saterdagoggend.
Paramedici is ontbied na ʼn vliegtuigongeluk by die lugskou in Klerksdorp in die Noordwes-provinsie.
Die oorsaak van die ongeluk en die reeks gebeure wat daartoe gelei het, is steeds onbekend en sal deur die burgerlike lugvaartowerheid ondersoek word, berig Arrive Alive. Dit blyk dat ʼn privaat Albatross L39-vliegtuig ʼn ongeluk gehad het terwyl hy ʼn akrobatiese toertjie wou uitvoer. Die vliegtuig het dadelik aan die brand geslaan. Die vlieënier, wat glo meer as 20 000 vlugure agter sy naam het, is oorlede.