Foto’s: Swaar reën, vloede in Kaap ontwrig talle

Die Vergelegen Medi-Clinic in Somerset-Wes is ontruim weens vloedwater. Foto: @adriaanhlouw/Twitter

Die Vergelegen Medi-Clinic in Somerset-Wes is ontruim weens vloedwater. Foto: @adriaanhlouw/Twitter

ʼn Vrou het verdrink en nog ʼn vrou word vermis nadat die Kaap die naweek gesteier het onder swaar reën en kitsvloede.

Kol. Thembinkosi Kinana, woordvoerder van die polisie, sê die twee vrouens het ʼn laagwaterbrug in Jonkershoek, Stellenbosch met hul motor probeer oorsteek toe die voertuig meegesleur is. Hy sê die oorledene se liggaam is in die motor gevind. Die bestuurder van die motor word intussen steeds vermis.

Die Vergelegen Mediclinic in Somerset-Wes is Vrydagaand inderhaas ontruim toe water die hospitaal begin binnevloei het. Nagenoeg 129 pasiënte is nabygeleë hospitale geneem. Viertrekvoertuie moes inderhaas ingespan word. Klik hier om meer te lees.

Die foto is in Kalkbaai geneem. Foto: @bevschafer/Twitter

Die foto is in Kalkbaai geneem. Foto: @bevschafer/Twitter

Wilfred Solomons-Johannes, woordvoerder van die Kaapstadse rampbestuur-afdeling, sê meer as 18 000 mense is deur die wydverspreide vloede geraak. Die gebiede wat die ergste geraak is sluit in: Delft, Faure, Vishoek, Gugulethu, Houtbaai, Khayelitsha, Kraaifontein, Kuilsrivier, Macassar, Phillippi, Scarborough, Somerset-Wes, Strand en Vahalla Park. Solomons-Johannes sê die swaar reën het modder- en rotsstortings tot gevolg gehad langs bergagtige gebiede. Hy sê daar is ook kragonderbrekings in verskeie areas aangemeld.

Die foto is in Kampsbaai geneem. Foto: @bevschafer/Twitter

Die foto is in Kampsbaai geneem. Foto: @bevschafer/Twitter

Die Suid-Afrikaanse Weerdiens sê intussen dat daar nog reën in dele van die Wes-Kaap verwag word. Reën word voorspel vir George, Riversdal, Hermanus en Oudtshoorn.

Die foto is op die Chapmanspiek-pad geneem. Foto: @bevschafer/Twitter

Die foto is op die Chapmanspiek-pad geneem. Foto: @bevschafer/Twitter

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Justi ·

Dit is omtrent erg. Ek bid almal wat geraak is deur die reen sterkte toe. Daar is verseker baie groot skade aangerig.

Trippie ·

Goeie more Justi en goeie more aan almal wat nog hier by ons gaan aansluit.

Ek stem, het foto’s ontvang van groot skade, ons kan net bid dat diegene geraak, hulp sal ontvang.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.