Nog ‘n foto volg onderaan die berig. Agtien mense is beseer toe ʼn taxi Vrydag in ʼn huis in Eastwoo, Pietermaritzburg, vasgejaag het, het paramedici gesê.
“Paramedici op die toneel het bepaal die mense het skaafplekke en moontlike rugbeserings opgedoen,” het Werner Vermaak, woordvoerder van ER24, in ʼn verklaring gesê.
“ʼn Vierjarige kind is op die toneel behandel nadat sy glo uit die voorruit van die taxi geslinger is.” Volgens Vermaak het die ma haar glo op haar skoot vasgehou toe die ongeluk plaasgevind het.
Inwoners het mense uit die taxi gehaal voordat paramedici by die toneel opgedaag het.
Die beseerdes is na nabygeleë hospitale geneem vir verdere behandeling.
Agtien beseer in ‘n Toyota Hi-Ace? Dis mos ‘n 10 sitplek! Dan was die ding mos oorlaai ook. Almal sal veiliger wees op ons paaie sonder enige Minibus Taxis.
Onrealisties – maar ek voel ook, VERBAN ALLE TAXI’S !