Foto: @lookoutcrime op Twitter
OPVOLG: ‘n Woordvoerder van die familie het aan Maroela Media bevestig Glen Dell is Saterdagmiddag oorlede. Klik hier om meer te lees.
Nog foto’s volg onderaan die berig. Een van Red Bull se vliegtuie het Saterdagoggend omstreeks 11:15 by die lugskou in Secunda neergestort.
ʼn Ooggetuie op die toneel het aan Maroela Media gesê die vlieënier was besig om sy toertjie uit te voer toe die vliegtuig neergestort het. Na bewering het die vlieënier met ʼn T28 Trojan-vliegtuig gevlieg en het die ongeluk gebeur net voordat die Silwer Valke met hul vertoning sou begin.
Hy is met ʼn helikopter na die Millpark-hospitaal geneem vir verdere behandeling.
Volgens berigte op Twitter was dit die bekende kunsvliegvlieënier Glen Dell wat in die ongeluk betrokke was.
Volgens die ooggetuie op die toneel is ʼn afkondiging ná die ongeluk gedoen dat dit die eerste insident by ʼn Suid-Afrikaanse lugskou is vanjaar. Meer besonderhede volg sodra dit aan Maroela Media beskikbaar is.
Foto: Sharné Strydom
Die helikopter maak gereed om die vlieënier na die hospitaal te neem Foto: Sharné Strydom
Wat gaan aan is daar meer fotos?
Ek sit met die video wat ek op my nokia geneem het as die ondersoekbeamptes dalk nog inligting kort.