Die FW de Klerk-stigting het skerp reageer op berigte dat emeritus aartsbiskop Desmond Tutu gesê het dat wit mense self moet agiteer vir die instel van ʼn sogenaamde “welvaartsbelasting” op hulle.
Tutu het die uitlatings gemaak tydens ʼn boek-bekendstelling op Stellenbosch. Tutu het gesê hoewel vandag se wit bevolking nie noodwendig by segregasie betrokke was nie, trek hulle steeds vandag voordeel. Die FW de Klerk-stigting sê Tutu het talle probleme wat vandag in Suid-Afrika ondervind word soos misdaad, padsterftes en dies meer voor die deur van Apartheid gelê, en in effek voor die deur van wit mense. Die stigting meen dit sal ongrondwetlik wees om welvaartsbelasting op slegs een van Suid-Afrika se rassegroepe af te dwing. Die stigting meen dit sal rasse klassifikasie en ander afbrekende onderskeidings wat met Apartheid verbind was tot gevolg hê.
Dit is nou asof AA en BEE nie ook rasseskeiding is nie? Het FW dit dalk gemis?