Gauteng-polisiestasies kry 14 nuwe base

Nuwe stasiebevelvoerders gaan by 14 “problematiese” polisiestasies in Gauteng aangestel word.

Lt.genl. Mzwandile Petros, die Gautengse polisiekommissaris, het Donderdag die name van die bevelvoerders bekendgemaak, het The Star Vrydag berig.

Agt van die bevelvoerders is na kolonels bevorder en ses na brigadiers. Hulle is aangestel by die polisiestasies in Moroka, Germiston, Roodepoort, Kempton Park, Brakpan, Sebokeng, Soshanguve, Pretoria-Wes, Brackendowns, Ennerdale, Primrose, Sandringham, Wierdabrug en Norwood.

Petros het die bevelvoerders aangemoedig om ʼn verskil te maak by dié “problematiese” stasies. Die stasies is al vir ʼn geruime tyd deur tydelike bevelvoerders bestuur ná ʼn reeks aftredes en skommelings.

– Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

De Wet Momberg ·

Dit sal weer onbevoegte BEE aangesteldes wees ! Polisie lede wat al reeds gewoond is aan die trae manier van Polisieering waaraan die nuwe SA gewoond is .Al die polisie stasies sit dan minder as ‘n 100km van hoofkantoor af . Lyk of almal slaap !!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.