Weerligskade by ʼn substasie by Kaalfontein in Midrand het ʼn vertraging op verskeie spoorlyne veroorsaak, het die Passasierspooragentskap van Suid-Afrika (PRASA) Dinsdag gesê.
ʼn Tweede substasie is ook deur Sondag se weerlig geraak en ernstige skade is aan die sinjaalapparaat aangerig, het Lawrence Venkile, woordvoerder vir PRASA in ʼn verklaring gesê. Gevolglik is daar lang vertragings op die Leralla, Tembisa en Olifantsfonteinlyne en alle Johannesburg-Pretoria treine. “Weens die erns van die skade verwag ons dat dit ons ongeveer ʼn week gaan neem om die skade te herstel.”
