Die Gautrain is tans besig met toetslopies na Park-stasie op die vooraand van die bekendstelling van die finale fase van die projek tussen Rosebank en Johannesburg se middestad.
EWN berig dié 16 kilometer ondergrondse spoorlyn is uiteindelik voltooi. Die volume water in die tonnel het dié gedeelte van die Gautrain-spoorlyn opgehou. Beamptes sê daar is nou ʼn doeltreffende dreineringstelsel in werking wat nie die aktiwiteit van die stelsel sal beïnvloed nie. Die finale fase sal in Meimaand aan die publiek beskikbaar gestel word. Sekere goedkeuringsprosesse moet steeds onderteken word.
