Gautreindienste was vandag vir ʼn geringe tyd lank onderbreek nadat daar ʼn tegniese probleem naby die Marlboro-stasie ondervind is.
Die Gautrein se kommunikasie-afdeling het kort daarna ʼn waarskuwing uitgestuur dat passasiers onderweg na die lughawe alternatiewe vervoer moet probeer reël. Hulle het ook gesê dat ekstra Gautrein-busse op die onderskeie roetes geplaas is om pendelaars te vervoer. Die tegniese probleem is egter binne ʼn uur reggemaak en treindienste was omstreek 13:00 weer in werking.
