ʼn Brand het vroeg Maandagoggend by Salama Cash and Carry in Amalgam, Johannesburg uitgebreek.
“Daar was gelukkig niemand binne-in die gebou nie,” het Nana Radebe, woordvoerder van die Johannesburgse nooddienste, gesê. Die brand het glo net voor 02:00 uitgebreek. “Die dak en dele van die muur het inmekaargestort. Volgens Radebe het brandbestryders om 03:25 steeds gespook om die brand te blus. Die oorsaak van die brand sal later deur brandbeheerbeamptes bepaal word.