Die N3-deurpad by Monte Vista tussen Harrismith en Warden in die Vrystaat word tydelik vir verkeer gesluit. Na wat berig word, het ʼn vragmotor wat ʼn chemiese vloeistof vervoer het, in die omgewing omgekeer en die vloeistof op die pad gemors.
Andy Visser, kommunikasiebestuurder van die N3-tolkonsessie, sê die noordelike en suidelike rigting van die deurpad word tans geraak terwyl amptenare die chemiese storting opruim. “Verkeer word herlei deur die vulstasie se afritte op die N3 om te verseker dat verkeer aanhou vloei,” het Visser gesê.