Die foto is deur @ginatrot op Twitter gelaai.
Tshepo Machae, provinsiale verkeer- en rampbestuur woordvoerder, sê die stuk pad het ineengestort weens die hewige reënval in die gebied. Machae sê dit is nog nie duidelik of daar enige lewensverlies was en of daar enige motors vasgekeer is nie.
Volgens berigte het die stuk pad naby die ingang van die Pumba-wildreservaat ineengestort. Die reservaat is sowat 15 minute van Grahamstad.
