ʼn Gesin van drie is Saterdag dood nadat die voertuig waarin hulle gereis het, naby Polokwane teen die agterkant van ʼn vragmotor gebots het.
Derrick Banks, ʼn woordvoerder van ER24, sê die ongeluk het sowat 40km buite Polokwane op die N1-snelweg plaasgevind.
“Die ma, pa en hul 4-jarige dogtertjie is op die toneel dood verklaar. Die ma se liggaam moes uit die voertuigwrak gesny word,” het Banks gesê.
Die polisie ondersoek die voorval.