Argieffoto
Verskeie gesinne is dakloos gelaat nadat ʼn brand Vrydagaand in Johannesburg uitgebreek het.
Volgens die stad se nooddienste het sewe plakkershuise in die George Kock informele nedersetting tot op die grond toe verbrand. “Die oorsaak van die brand is nog nie bekend nie,” het Rovert Mulaudzi, ʼn woordvoerder, gesê.
Die brandweer het die brand onder beheer gebring kort voordat dit in die gebied begin reën het. Niemand is in die voorval beseer nie. Die stad se rampsbestuur is steeds besig om vir die gesinne huisvesting te soek.
