Argieffoto
‘n Man is in hegtenis geneem nadat hy glo ‘n trop vee vroeër die week gesteel het.
Lt.kol. Lesego Metsi, woordvoerder van die Noordwes-polisie, het gesê die 30 beeste is Maandag gesteel en is Vrydag in die man se kraal in Bodibe opgespoor. “Die eienaar van die kraal kon die polisie nie oortuig hoe die beeste in sy besit gekom het nie,” het Metsi gesê.
Die beeste is sowat R80 000 werd.
Die man sal na verwagting Dinsdag in die landdroshof in Itsoseng verskyn.
