Getuie: “Hulle wou Terre’Blanche vermink”

ʼn Polisiebeampte het in die rondgaande hof in Ventersdorp getuig dat die twee mans wat beskuldig word van die moord op Eugene Terre’Blanche daarop uit was om hom te vermink.

Kapt. Jacobus Rautenbach het getuig “hulle het uitgegaan daarop om hom te vermink .Hulle wou hom uitwis “. Rautenbach sê hy is oortuig daarvan dat die moord op Terre’Blanche polities gemotiveerd was. Hy sê dit kan verbind word aan die sing van die woorde “skiet die boer” wat deur ANC-jeugligaleier, Julius Malema, gesing is. Die sing van “skiet die boer” is intussen verban. Rautenbach sê hoewel Malema in Zimbabwe was ten tyde van die moord het hy die lied gesing en dus die bevel gegee rakende wat gedoen moet word. Hy sê Malema het dit in die media geadverteer. Die saak duur voort. Chris Mahlangu en ʼn minderjarige word aangekla van moord en roof met verswarende omstandighede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.