Gevangenes beseer ná polisievoertuie bots

Die foto is deur die gebruik @leigh_land op Twitter gelaai.

Vier gevangenes moes Donderdag uit ʼn polisietrok gesny word na die trok met ʼn ander polisievoertuig gebots het.

Adjudant-offisier November Filander het gesê die vragmotor en voertuig was op die N1-snelweg onderweg na die Goodwood-tronk in Kaapstad. “ʼn Polisievoertuig wat die trok vergesel het, het teen 08:30 teen die kant van die polisievragmotor gebots. Die vragmotor het naby die Monte Visa-afrit omgeslaan en die gevangenes vasgekeer,” het Filander gesê.

Nooddienswerkers het die gevangenes vir ligte beserings behandel. Twee beamptes wat in die voertuig gery het, het rug- en nekbeserings opgedoen. ʼn Saak van roekelose en nalatige bestuur word ondersoek.

– Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae