Gewapende mans wis ses boeties en sussies uit

Ses familielede is vandag in KwaZulu-Natal deur vyf gewapende mans uitgewis.

Volgens kol. Vincent Mdunge, ʼn polisiewoordvoerder, het die voorval omstreeks 03:00 in Muden, naby Greytown, plaasgevind.

“ʼn Groep mans het die slagoffers se huis betree en op die familie met AK47-aanvalsgewere losgebrand. Ses broers, waaronder drie tieners, is in die skietery dood. Drie ander kinders is tydens die voorval beseer, maar het die aanval oorleef. ʼn Volwassene wat in ʼn rondawel langs die huis geslaap het, het ook die aanval oorleef,” het Mdunge gesê.

Die motief vir die aanval is nog nie bekend nie. Niemand is nog in verband met die voorval in hegtenis geneem nie.

ʼn Spesiale taakspan is deur die polisie saamgestel om die saak te ondersoek.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae