Suid-Afrika en Australië gaan saam die Square Kilometre Array (SKA)-radioteleskoop huisves.
“Ons het op besluit om die radioteleskoop oor twee lande te huisves,” het John Wommersley, voorsitter van die SKA-raad Vrydag gesê. ’n Perskonferensie is by Amsterdam se Schiphol-lughawe gehou na ’n vergadering van die SKA-organisasie se lede in Amsterdam. Die vyf lande wat die finale besluit geneem het, is Kanada, Sjina, Italië, Nederland en Brittanje. Die SKA-projek beloof om ’n groot hupstoot te wees vir Suid-Afrika se ekonomie, en is in verskeie gesprekke al beskryf as die “2010 Sokkerwêreldbeker” vir Wetenskap.