ʼn Gospelsangeres is Maandag op borgtog van R500 vrygelaat in die Butterworth landdroshof in die Oos-Kaap nadat sy in hegtenis geneem is op aanklag van aanranding.
ʼn Polisiewoordvoerder, kapt. Jackson Manatha, sê die 47-jarige Lusanda Mcinga sal weer op 9 Desember in die hof verskyn. Mcinga is Sondag in hegtenis geneem nadat sy en onbekende medepligtiges glo ʼn man aangerand het wat hulle vermoed het verkoop CD-roofkopieë. Hulle het die 25-jarige man glo na ʼn veld in Butterwoth geneem waar hulle hom glo aangerand en sy selfoon gesteel het. Die polisie ondersoek die saak.