Goue handdruk vir oud-SAUK-nuushoof

Phil Molefe

Phil Molefe

Phil Molefe, voormalige nuushoof van die SAUK, is meer as R2 miljoen betaal toe hy die openbare uitsaaier in Mei vanjaar verlaat het, berig die Sunday Independent.

Yunus Carrim, minister van kommunikasie, het die week in antwoord op ʼn parlementêre vraag bekend gemaak dat Molefe die uitbetaling van R2,4 miljoen gekry het aangesien sy kontrak eers in Junie 2015 sou verval. Molefe was sedert April verlede jaar geskors na omstredenheid rondom ʼn onderhoud met Julius Malema, voormalige ANC-jeugligaleier. Volgens die berig het Lulama Mokhobo, hoof van die SAUK, gekla dat daar nie ʼn verteenwoordiger van die ANC by wys ten tyde van die onderhoud nie. Molefe staan sy skorsing teen en voer in hofdokumente aan dat die ANC wel na die onderhoud genooi was maar die geleentheid van die hand gewys het weens die dissiplinêre saak teen Malema. Molefe het glo gedurende sy skorsing ook meer as R2 miljoen se voordele ontvang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Vas Vat

Geskors ??? 2 Miljoen ???

wragtig

Vas vat jip!! R2mil se voordele terwyl hy geskors was plus nog R2mil bonus omdat hy en Malema tjommies is. Wat n skreiende skande is die regering. Hulle us die joke van die wereld.

Jasper

Die regering maak meer mense miljoenêrs, as wat Lotto ooit kon droom.
Ek weet nie wat maak ons nog met n SABC nie ? Kan die Balju nie nie maar die plek gaan toesluit nie ?

Koos

Onthou net om julle TV lisensies te betaal, die regte ding om te doen

Vas Vat

Wragtig, ek soek n joppie daar, Jasper en dan dwing hulle ons nog om TV lisensie te betaal…Vir “Niks”