Gouemedalje-kampioen bly in plakkerskamp

Irene van Niekerk.

Irene van Niekerk, ʼn 15-jarige meisie wat al meer as 27 goue medaljes ingepalm het, bly in ʼn plakkerskamp naby Krugersdorp en besit nie enige skoene nie.

Van Niekerk het dié medaljes vir langafstand hardloop ontvang, ondanks die feit dat albei haar voete erg vermink is tydens ʼn fratsongeluk toe sy klein was. Sy het op sewejarige ouderdom die meeste van haar tone verloor toe kookwater op haar voete geval het.

ʼn Internasionale leraar, dr. Skip Moen, het van haar situasie te hore gekom toe hy onlangs in Suid-Afrika besoek afgelê het. Moen het vir haar spesiale skoene laat maak, maar dit is glo kort nadat sy dit ontvang het, deur ʼn vermeende dwelmverslaafde gesteel. Sy moet vervolgens kaalvoet hardloop omdat sy nie skoene het wat haar pas nie en ook nie skoene kan bekostig nie.

Irene ontvang onderrig by ‘n skool vir kinders met spesiale behoeftes. Volgens Moen, wat ʼn fonds gestig het om Irene en haar gesin finansieel by te staan, het sy erge trauma as ʼn kind ervaar, en pas sy nie aan in ʼn publieke skool nie. “Sy is nie in die spesiale skool oor haar voete nie, sy het erge trauma as ʼn kind ervaar en ons is tans besig om dit te ondersoek en te behandel,” het hy gesê.

Volgens Moen is daar nie altyd kos vir Irene en haar gesin om te eet nie en het hul plakkershuis ook nie elektrisiteit en water nie, maar tog bedank hulle God elke dag vir dit wat hulle het.

“Mandela het ʼn droom gehad van ʼn reënboognasie, maar die swart regering in Suid-Afrika oefen omgekeerde-apartheid op wit mense uit wat veroorsaak dat verskeie wit mense in plakkerskampe opeindig,” het Moen in ʼn video gesê wat hy op YouTube gelaai het.

Irene se storie raak harte en ondersteuning vir Moen se fonds stroom in. Intussen hou Irene moed deur te hardloop, al is dit kaalvoet. Sy oefen daagliks en staan weeksdae om 05:00 op om te oefen voordat sy skool toe gaan. Sodra sy by die huis kom, oefen sy verder.

Hier volg die video-onderhoud wat Moen met haar gevoer het.

Lees die opvolgberig hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Heidi

Ek het ‘n artikel op die webtuiste http://whisnews21.com/2013/04/15/irene-a-champion-living-in-a-white-squatter-camp/ vroer vandag gelees. Die skyfstyl het dadelik rooi ligte laat flits hoewel die storie my hart geraak het. Na ek al die kommentaar gelees het asook die antwoorde van ene SKIP MOES, was ek vasberade om Irene op te spoor. Ek het verskeie artikels kon opspoor asook die Youtube link. Wat my wnekbroue laat lig is die feit dat dit nerens melding maak van haar voete nie. Nou ons weet mos almal dis ‘n sensasionele storie as dit die waarheid is… hoe dan nou? Gevolglik het ek beitjie verder gekrap. Die storie… Lees meer »

Heidi

Ek het ‘n artikel op die webtuiste http://whisnews21.com/2013/04/15/irene-a-champion-living-in-a-white-squatter-camp/ vroer vandag gelees. Die skyfstyl het dadelik rooi ligte laat flits hoewel die storie my hart geraak het. Na ek al die kommentaar gelees het asook die antwoorde van ene SKIP MOES, was ek vasberade om Irene op te spoor. Ek het verskeie artikels kon opspoor asook die Youtube link. Wat my wekkbroue laat lig is die feit dat dit nerens melding maak van haar voete nie. Nou ons weet mos almal dis ‘n sensasionele storie as dit die waarheid is… hoe dan nou? Gevolglik het ek beitjie verder gekrap. Die storie… Lees meer »

Lourens Groenewald

Ek werk saam met Dr Skip Moen aan die Irene saak. Regstelling; die eerste paar skoene is in SA gemaak en ek het daarvoor betaal. Dit is deur `n dwelmverslaafde gesteel en verkoop. Toe het ek `n 2de paar tekkies gekoop maar die kombuis-gedeelte van hul `woning` het 2 dae later afgebrand. Ek het toe `n man opgespoor in Pretoria, wat spesialiseer in die vervaardiging van skoene en binne-sole van sulke gevalle, en hy het gratis vir haar `n paar binne-sole vervaardig wat ek Dinsdag 23 April vir haar gaan gee het. Sy naam is Johan . Dr Skip en… Lees meer »

Lourens Groenewald

Heidi. Ongelukkig is daar baie bedrog en uitbuiting van behoeftiges in hierdie land. Jy kan my gerus kontak oor Irene aangesien ek haar en haar familie verteenwoordig en by hulle betrokke is vir +- 6 jaar. Dr Skip Moen is `n baie opregte mens en ek het hom aan Irene voorgestel verlede jaar. Ek gebruik meestal my eie fondse vir behoeftiges aangesien ekself 10 jaar gelede nog haweloos was en vandag `n brandende passie het vir ons mense op straat. Irene `behoort` ook glad nie aan die atletiek-klub nie maar neem deel aan byeenkomste deur hulle. Ons betaal dan ook… Lees meer »

Anne Johnsen

She is amazing and I would love to meet her. I can no longer run as I have osteo arthritis. I also come from a difficult childhood and I know she runs to be free and at one with God. I did the same. Through therapy I am coping with life but still on medication for depression.

I wish I could put my running shoes on one more time and feel my breathing become one with the sound of my shoes on the road. Bliss. Freedom. Safety. God.