Vrystaat Mielies (Edms) Bpk, ‘n graanverhandelingsmaatskappy van Potchefstroom, het onlangs die opening van ‘n uitgebreide graanbergingsfasiliteit in die hart van die Oos-Vrystaat aangekondig.
“Daar is ‘n huurooreenkoms aangegaan met Sandstone Estates (Edms) Bpk vir die gebruik van ‘n bestaande silokompleks en ‘n area vir die oprigting van ‘n bunkerfasiliteit met ‘n totale kapasiteit van 50 000 metrieke ton,” het Pauli Coetzer, woordvoerder vir Vrystaat Mielies, gesê. Die kompleks, geleë tussen Fouriesburg en Ficksburg, sal as “Kommandonek” bekendstaan en sal namens Vrystaat Mielies bestuur en administreer word deur Collateral Management International (CMI).