Groep gevang wat glo OTM wou opblaas

ABSA OTM-aanval in Kemptonpark, Julie 2008

Sewe mans, wat glo op pad was om ‘n OTM in Port Elizabeth op te blaas, is Saterdagaand in hegtenis geneem.

Lt.kol. Priscilla Naidu, woordvoerder vir die polisie in die Oos-Kaap, sê die groep is vasgetrek nadat die polisie ‘n wenk oor hul aktiwiteit ontvang het. “Die polisie het op 10 plofbare kragjelpatrone, ‘n ontsteker, ‘n motorbattery en laaier, en ‘n koeëlvastebaadjie beslag gelê,” het Naidu gesê. Die groep sal na verwagting Dinsdag in die landdroshof in Port Elizabeth verskyn op aanklag van die onwettige besit van plofstof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae