“Grondeienaars” vat glo 15 huise in Distrik Ses

Die Wes-Kaapse hooggeregshof het ʼn tussentydse hofbevel uitgereik teen onwettige huisbesetters in Distrik Ses in Kaapstad.

“Die groep, wat beweer hulle is die oorspronklike grondeisers van Distrik Ses, het Saterdag onwettig hulself in 15 huise in gedwing en daar begin bly,” het Vuyani Nkasayi, woordvoerder van die departement van landelike ontwikkeling en grondhervorming, Dinsdag in ʼn verklaring gesê.

“Die departement het met die groep mense probeer onderhandel, maar hulle het geweier om die huise te verlaat, waarna die departement hom tot die hof gewend het om ʼn dringende uitsettingsbevel te verkry.” Die bevel is Maandag toegestaan.

Die onwettige besetters het Dinsdagoggend tot 10:00 tyd gehad om hulself te ontruim.

Die saak sal weer Donderdag in die hof aangehoor word, waartydens die groep hulle saak sal aanbied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

HELENA SEABORNE ·

dink ek mut een vd grand huise in die dorp beset en se dit was my oupa se grond

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.