Grondeis op Ian Smith se plaas

Ian Smith, voormalige eerste minister van die destydse Rhodesië (Zimbabwe)

Die bestuurder van ‘n plaas wat deur Zimbabwe se laaste wit regeerder besit word, is deur president Robert Mugabe se lojaliste aangesê om die plaas te ontruim sodat dit ‘n staatsinstansie kan word.

Owen Jarman het Maandag gesê hy het nog nie ‘n sperdatum ontvang wanneer hy en 35 plaaswerkers die 592 hektaar Gwenoro-plaas in die suid-westelike Shurugwi-distrik moet ontruim nie.

Ian Smith, voormalige eerste minister van Rhodesië, wat in 1980 die bewind aan Mugabe oorgegee het, het in 2007 in Suid-Afrika in die ouderdom van 88 gesterf. Jarman, wat die plaas sedert 1994 bestuur, sê die plaas behoort steeds aan Smith se seun en dogter. Die seun en dogter woon beide buite Zimbabwe se grense.

Jarman sê nuwe bewoners van die regering se Midlands Staatsuniversiteit het die grond begin bewerk vir die nuwe plantseisoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae