Groot Gat-hond: Reddingspoging duur voort

Die hond in die Groot Gat by Kimberley Foto: ER24, Facebook

Die hond in die Groot Gat by Kimberley Foto: ER24, Facebook

Reddingspogings duur Saterdag voort om ‘n hond te red wat ‘n paar dae gelede in die Groot Gat by Kimberley beland het.

‘n Helikopter het Saterdagoggend omstreeks 07:00 opgedaag, maar die tou was te kort om by die hond uit te kom. Andre Botha, een van die ooggetuies op die toneel, het gesê daar word intussen ander planne beraam. Hy het op Twitter bevestig dit is nie moontlik om kos by die hond uit te kry nie, maar dat die hond nog steeds “baie sterk” lyk.

Die sanger Kurt Darren en sy vrou, Dunay, het Vrydag aangebied om vir die helikopter te betaal nadat vorige pogings, om die hond te red, misluk het.

Volgens Botha is ao. John Seeley, wat die reddingspoging lei, uiters bekwaam en “die regte man vir die pos”.

Lees ook:
Kurt Darren kom moontlik tot hond se redding
Reddingspoging ná hond in Groot Gat beland

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Elize Mans

Dankie Kurt,dat jy help,om die hond te red.Ek wonder hoe lank die arme hond al daar in daardie gat is.Maar gelukkig het die storie darem n gelukige einde.

burrie du toit

Dis fantasties wonderlik dat julle probeer om die hond te red! Ek bid dat julle pogings sal slaag. Burrie du Toit

Justi

Dis pragtig van mense om uit hul pad te gaan om die hond te red. Hoop die poging slaag.

babe

Wie se dat die hond se eienaar nie dalk in daai gat in geval het en dalk dood is nie??? Daai gat is toe en n hond is nie dom nie hy gaan nie agter dassies hardloop en in n gat beland nie!! Kimberley se gat is dan behoorlik toe, en daar is staan plek vir die hond maar tog gaan hy terug in die water in!!

werner

Ek is dankbaar dat labradors sterk swemmers is anders was hy dalk al dood.