Groot toekenning vir SA-rolprent

‘n Lokprent vir die film volg onderaan die berig. Die Suid-Afrikaanse rolprent, Fanie Fourie’s Lobola, het ‘n toekenning by die grootste filmfees in Amerika ontvang.

Die rolprent het die gehoortoekenning by die Seattle International Film Festival ontvang, het die SAUK Dinsdag berig. Dié filmfees duur 25 dae lank en word deur meer as 400 internasionale rolprentvervaardigers, akteurs en bedryfsbeamptes bygewoon. Die rolprent het dieselfde toekenning by Sedona International Film Festival in Arizona en die Jozi Film Festival ingepalm.

Die rolprent handel oor ‘n paartjie, ‘n Afrikaanse man en ‘n Zulu-vrou, wat verlief raak en hul verhouding deur die gekompliseerde proses van lobola moet stuur. Lobola is die betaling deur die bruidegom aan die bruid se familie deur middel van geld of vee.

Henk Pretorius is die regisseur en Zethu Dlomo en Eduan van Jaarsveld het die hoofrolle vertolk. Chris Chameleon en Marga van Rooy is ook in dié rolprent te sien.
-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.