Gupta-familie se bure dreig met hofsaak

Foto: rosebankkillarneygazette.co.za

Foto: rosebankkillarneygazette.co.za

Inwoners van Saxonwold dreig met ʼn hofsaak indien die Stad Johannesburg toestemming gaan gee vir ʼn onwettig geboude herehuis op die Gupta-familie se erf, het die Saturday Star berig.

ʼn Span van die stadsraad se gebouekomitee het die herehuis vandeesweek ondersoek, maar gesê hy kan nog nie sy besluit publiek maak nie. “Die aansoek kan nie publiek bekend gemaak word alvorens die beplanningskomitee daaroor beslis het nie,” het Nthatisi Modingoane, woordvoerder vir die Stad Johannesburg, gesê.

Die Guptas het aansoek gedoen om die wysigings van die vorige planne, wat goedgekeur is, reg te stel.

Bure kla egter dat die betrokke gebou afbreuk doen aan hul genot by hul eie huise. “Die onwettige gebou is só naby aan ons huis, met vensters en balkonne, dat ons ons hele leefstyl moes aanpas weens geraasvlakke, donker kamers en dat mens ʼn uitsig het oor privaat plekke,” het een van die inwoners gekla. “Die gebou doen afbreuk aan die waarde van ons eiendom en ons sal definitief vergoeding in die verband soek.”

-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Jasper ·

Wonder hoe diep het hulle vingers al in SANRAL se kontrakte gegrawe.?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.