“Hacker”-koning Guccifer aangekeer

Guccifer. Foto: Reuters

Guccifer. Foto: Reuters

Die Roemeense owerhede het vermoedelik die kuberkraker, wat onder die naam Guccifer berugtheid verwerf het, aangekeer.

Hy is as Marcel Lazar Lehel, 40 uitgeken.

Guccifer het veral bekendheid verwerf nadat hy op verskeie e-posrekenings van oud-pres. George W. Bush en familielede ingebreek het, en talle private foto’s op die internet gepubliseer het. Hy het onder meer ook op die e-posrekeninge van bekende akteurs soos Nicole Kidman en Leonardo de Caprio gekraak. Verskeie Amerikaanse en Roemeense politici se digitale ruimtes is ook ingedring, waaronder dié van die hoof van die Amerikaanse Intelligensieraad.

Volgens ‘n Roemeense aanklaer is die man wat nou aangekeer is, inderdaad Guccifer, maar dit is nie deur amptelike bronne bevestig nie.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae