Handrat fnuik vermeende kapers

Argieffoto

Argieffoto

ʼn Groep van drie tieners is gefnuik in hul poging om ʼn motor te kaap toe hulle uitvind nie een van hulle kan ʼn voertuig met ʼn handrat bestuur nie.

Die drie mans, in hul laat tienerjare of vroeë 20s, het ʼn Chinese afleweringsman Dinsdag omstreeks 22:15 in Springfield, Massachusetts, oorval. Hulle het die kos gegryp, die sleutels geëis en in die motor gespring. Maar die handrat het hulle gefnuik.

“Een kind het ingespring en gesê hy kan dit nie bestuur nie, en die tweede een het dieselfde gesê en die derde een het ook nie geweet nie,” het sers. John Delaney, woordvoerder van die polisie, aan die Daily News gesê. “Hulle het uitgespring en met die kos weggehardloop.

Delaney sê daar was onlangs ses soortgelyke voorvalle, maar dit wil nie voorkom of dit verwant is aan mekaar nie. Die polisie is op soek na kringtelevisiebeeldmateriaal van die voorval.

Niemand is nog in hegtenis geneem nie. “Die saak word nog ondersoek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.