Twee hengelaars is gered nadat hul boot Saterdagoggend stuurprobleme in Hartbeespoortdam buite Pretoria ondervind het.
Die dam is glo 108% vol weens die swaar reënval en donderstorms wat sedert Vrydag in die gebied ervaar word, berig EWN. Die mans was op ‘n baarshengelaarsboot in rowwe watertoestande en swaar reën. “Geen beserings is aangemeld nie,” het Craig Lambinon, woordvoerder van die Nasionale Seereddingsinstituut (NSRI) gesê. “Die NSRI Hartbeespoortdam het hulle te hulp gesnel en na hul ankerplek teruggesleep.”