Massmart-winkels sal Sondag gesluit wees vir die begrafnis van voormalige president Nelson Mandela.
Builders Warehouse, Builders Express, Builders Trade Depot, Builders Superstore, CBW, Cambridge Food, DionWired, Game Stores, Jumbo Cash and Carry, Makro, en Rhino Cash and Carry is hierby ingesluit.
“Ons het die besluit geneem om ons personeel die geleentheid te bied om die dag by hul families te spandeer,” het Annaleigh Vallie, woordvoerder vir Massmart, gesê.
Mandela is Donderdag in die ouderdom van 95 by sy huis in Houghton in Johannesburg oorlede. Hy word Sondag in Qunu in die Oos-Kaap begrawe, waar hy grootgeword het.