Hof sê oor Mandela-grafte

Die hooggeregshof in Mthatha in die Oos-Kaap sal na verwagting Woensdag ʼn besluit neem oor of die oorskot van Nelson Mandela se drie oorlede kinders weer teruggeskuif moet word na Qunu.

Mandla, Mandela se kleinseun, het dié drie se oorskot twee jaar gelede uit hul grafte in Qunu na Mvezo verskuif. Familielede het ʼn aansoek voor die hof gebring waarin hulle versoek dat Mandla die oorskot weer moet terugskuif na Qunu. Die familie het intussen ook ʼn klag van grafskending teen Mandla by die Bityi-polisiestasie ingedien. Die grafte is die van Mandela se oudste seun en Mandla se pa Makgato, Mandela se tweede seun Madiba Thembekile en sy eerste dogter Makaziwe.