Olimpiese Spele: SA se eerste medalje in die sakkie

Van der Burgh met sy silwermedalje. Foto: AP Photo/Matt Slocum

Van der Burgh met sy silwermedalje. Foto: AP Photo/Matt Slocum

Suid-Afrika is amptelik op die medaljetabel by die 2016 Olimpiese Spele in Rio de Janeiro.

Cameron van der Burgh het Suid-Afrika se naam hoog gehou in die swembad, toe hy tweede geëindig het in die eindronde van die 100m-borsslag om die silwermedalje te wen in ʼn tyd van 58:69.

Hy het tweede in die uitdunne vir die 100m-borsslag geëindig.

Van der Burgh, wat goud gewen het by die 2012 Olimpiese Spele, het gesê hy is trots op sy vertoning. Hy is Dinsdag weer in aksie in die uitdunne van die 200m-borsslag.

Brittanje se Adam Peaty het die 100m-borsslag in ʼn wêreldrekordtyd van 57:13 gewen. Dit is die eerste keer wat die 21-jarige aan die Olimpiese Spele deelneem. Die Amerikaner Cody Miller het brons gewen in ʼn tyd van 58:87.

Peaty (links) en Cameron (regs) in aksie tydens die eindronde. Foto: AP Photo/Matt Slocum

Peaty (links) en Cameron (regs) in aksie tydens die eindronde. Foto: AP Photo/Matt Slocum

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

14 Kommentare

jacoba ·

Fantasties Cameron, jy is ñ ster! Sterkte met die volgende swem.
Well done, Peaty.

Marianne Erasmus ·

Baie geluk Cameron! Die hele Suid Afrika is trots op jou.

Trots SA ·

Baie baie geluk met jou puik prestasie!Sterkte vorentoe!

E.K. ·

Baie trots op Cameron! Mooi so en sterkte vir al ons ander atlete vir wat voorle!

Marianne ·

What a boytjie!!!!
Soos ‘n vis in die water.
Geluk Cameron jou yster!

Stem saam ·

Vandag wil ek plagiaat pleeg, Marianne, perfek ek stem saam, my presiese woorde toe ek hierdie nuus kry! Go Cameron, so bly vir jou!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.