Warren Whiteley (Foto: Facebook)
Die Springbokkaptein Warren Whiteley sal nié aan Saterdagmiddag se kragmeting teen Frankryk deelneem nie.
Die amptelike Facebook-blad vir die Springbokke het die nuus Saterdagmiddag in ʼn Facebook-inskrywing bevestig.
Volgens die inskrywing sal Whiteley nie aan die wedstryd deelneem nie as gevolg van ʼn liesbesering wat hy opgedoen het.
Eben Etzebeth, die onderkaptein, gaan die Springbokke nou in die derde en laaste wedstryd van die Castle Lager Incoming Series by Emirates Airline Park in Johannesburg lei.
Allister Coetzee, Springbok-afrigter, sê sy onttrekking aan die wedstryd is ʼn groot verlies vir die span.
Coetzee sê egter hulle bly positief omdat voorbereidings vandeesweek goed verloop het.
Lees meer hier.
