Die burgerregte-organisasie, AfriForum se regspan is vandag in die Noord-Gautengse hooggeregshof in Pretoria om die hof te vra vir ʼn dringende interdik om die Vhembe-distriksmunisipaliteit in Limpopo te dwing om aan sy inwoners water te voorsien. Die dorp sukkel al vir maande met ʼn watertekort.
Dít kom nadat AfriForum die distriksmunisipaliteit op terme geplaas het om inwoners van Makhado (Louis Trichardt) van water te voorsien as verantwoordelike waterverskaffer, maar die munisipaliteit het nie op hierdie versoek reageer nie.
Die vier respondente in die saak is die Premier van Limpopo, Cassel Mathale, die Minister van Waterwese, Edna Molewa, die Vhembe-distriksmunisipaliteit en die Makhado plaaslike munisipaliteit.
