Renate Barnard
Die vakbond Solidariteit gaan die konstitusionele hof nader om teen die arbeidsappèlhof se uitspraak in die Renate Barnard-regstellendeaksiesaak te appelleer. Dit sal die eerste keer wees dat ’n regstellendeaksiesaak in dié hof getoets word. Kaptein Barnard se sewe jaar lange stryd om ’n bevordering in die Suid-Afrikaanse Polisiediens (SAPD) te kry, is dus nog nie verby nie.
Solidariteit het hierdie besluit geneem nadat die arbeidsappèlhof Vrydag in die SAPD se guns in hierdie omstrede saak bevind het. Solidariteit gaan ook die hof versoek om die polisie se regstellendeaksieplan in geheel ongeldig te verklaar.
