Hummer-bestuurder wil vergoeding betaal

Die ongelukstoneel. Foto: eNuus

Die bestuurder wat in Oktober 2010 twee motorfietsryers met ʼn Hummer doodgery het, het aangebied om sy slagoffers se families vergoeding te betaal

Pretoria News berig dat Indi Chiyabu R700 000 aan die slagoffers se families aangebied het. Makhi Nogaga, Chiyabu se regsverteenwoordiger, het die Pretoria-Noord-streekhof gevra om in te gryp in die onderhandelinge tussen Chiyabu en die slagoffers se families. Volgens die berig het landdros Ben van Schalkwyk egter gesê dat die hof nie in die posisie is om so bevel te maak nie aangesien die hof nie vertroud is met die families se omstandighede nie.

Chiyabu het op 16 Oktober 2010 vir J.P. Kruger (32) en Pieter Coetzee (60) doodgery. Hy het glo aan die verkeerde kant van die pad gery toe hy in Kruger, Coetzee en Coetzee se seun, ook Pieter, vasgery het. Die Hummer het aan die brand geraak en Chiyabu het na bewering van die toneel gevlug. Coetzee sr. en Kruger is op die toneel dood. Coetzee jr. se regterbeen moes bo die knie geamputeer word. Chiyabu is in Februarie aan strafbare manslag skuldig bevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Juandre ·

So hy dink geld gaan alles regmaak??
Laat hy tronk toe gaan, dis waar hy hoort.

Trudie ·

Stem saam, tronk toe. Waar wil hy die geld kry en die geld kan die saak nie ongedaan maak nie. Nee, hy moet sy straf verdien soos enige een wat moord gepleeg het en dan het hy nog gevlug en nie eers gekyk wat hy gedoen het nie. En hy kan die mense wie ledemate verloor het, se ledemate nie teruggee nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.