ʼn Hyskraan het Maandagoggend deur die dak van ʼn winkelsentrum in Germiston geval en verskeie mense beseer.
Santi Steinmann, ʼn woordvoerder van Netcare 911, sê die voorval het omstreeks 10:00 plaasgevind. “ʼn Hyskraan het deur die dak geval en in een van die winkels geland. Altesaam 23 mense is beseer, waarvan twee ernstig is,” het Steinmann gesê. Sy sê die beseerdes is op die toneel gestabiliseer en na verskeie hospitale in die omgewing geneem vir verdere behandeling.
Die voorval het by die Golden Walk-winkelsentrum plaasgevind.
