Karen Kortjé. Foto: EWN
Karin Kortjé, die Idols-wenner van 2005, is in Kuilsrivier, Kaapstad, in hegtenis geneem omdat sy glo onder die invloed van alkohol bestuur het.
Die 32-jarige sangeres is vroeg Sondagoggend by ‘n padblokkade vasgetrek. Sy het na bewering byna polisiebeamptes, wat op patrollie was, raakgery. Kortjé is vrygelaat en moet in April 2013 weer in die hof verskyn.
Kortjé het ʼn geskiedenis van alkohol en dwelmmisbruik, berig EWN. Sy het verlede jaar openlik gepraat oor haar afhanklikheidsprobleme tydens ʼn onderhoud met die tydskrif, Kuier. Sy het erken dat sy vroeg in haar lewe begin drink het en ook die dwelm mandrax gebruik het.
