‘n 22-jarige vrou het oorleef nadat sy Dinsdag agt keer deur inbrekers in ʼn huis in Johannesburg met ʼn mes gesteek is.
ʼn Polisiewoordvoerder, ao Dennis Jones, sê die vrou was in haar ouers se huis in Noordheuwel in Krugersdorp toe twee mans met klampmusse ingebreek het. Jones sê die inbrekers het die vrou vasgemaak en vuurwapens geëis. Die inbrekers het die vrou hierna agt keer met ʼn mes gesteek voor hulle gevlug het. Die huis is oorkant die van die Gautengse premier, Nomvula Mokonyane. Die polisie ondersoek ʼn saak van poging tot moord en huisbraak.