Indiese diplomaat verlaat VSA na twis

Devyani Khobragade Foto: Reuters

Devyani Khobragade. Foto: Reuters

‘n Peroneellid van die Indiese konsulaat in New York is onderweg terug na Indië nadat sy aangekeer is omdat sy glo vals visumbesonderhede oor haar huishulp verskaf het, en sy na bewering die huishulp ook minder as die Amerikaanse minimumloon betaal het.

Indië het hom op diplomatieke immuniteit vir die 39-jarige Devyani Khobragade beroep, wat nie deur die VSA aanvaar is nie. Indië het haar toe tot die Indiese afvaardiging by die VN toegevoeg, en sy het só diplomatieke immuniteit verkry. Die VSA het hierop versoek dat sy teruggeroep word.

Volgens Khobragade se regsverteenwoordiger keer sy na Indië terug met haar kop omhoog, en vol vertroue dat die waarheid sal seëvier.

Indië is ook boos dat sy na haar inhegtenisname glo aan deursoeking onderwerp is. Betogings van protes vind in Indië plaas waar geëis word dat Amerikaanse produkte geboikot word.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae