Interdik teen goud-staking

Joseph Mathunjwa, president van Amcu tydens die onderhandelinge by die KVBA Foto: Meggan Saville/SAPA

Joseph Mathunjwa, president van Amcu tydens die onderhandelinge by die KVBA Foto: Meggan Saville/SAPA

Die arbeidshof het Donderdag beslis dat Amcu-lede nie met die staking kan voortgaan soos beplan nie.

Regter Edwin Molahlegi, namens regter Hamilton Cele, het beslis dat Amcu op 14 Maart na die hof kan terugkeer om te verduidelik waarom dié interim interdik nie permanent moet wees nie. Molahlegi het aan die Kamer van Mynwese gesê hulle moet seker maak dat dié boodskap op alle kennisgewingborde regoor alle myne aangebring word en deur SMSe versprei moet word.

“Die boodskap moet aandui dat die arbeidshof ʼn interdik toegestaan het teen die beplande staking deur die Assiociation of Mineworkers and Construction Union (Amcu) in die goudsektor, en indien hulle daarmee sou voortgaan, dit ʼn onbeskermde staking sal wees. Hulle moet voort gaan om te werk.” -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae