ʼn Man is in hegtenis geneem nadat hy glo onder die invloed van alkohol en teen ʼn hoë spoed gery het op die N1-suid in Midrand, Gauteng.
Hoofsupt. Wayne Minnaar, woordvoerder van die metropolisie, sê die 39-jarige man het glo teen 172km/h in ʼn 120km/h-sone gery toe hy deur die metropolisie betrap is. Hy het glo onder die invloed van alkohol bestuur. Minnaar sê die man sal na verwagting vandag in die Randburg-landdroshof verskyn op aanklagte wat verband hou met ʼn spoedoortreding en bestuur onder die invloed van alkohol.