Jack Parow se babatjie gebore

Jack Parow en Jenna Pieterson Foto: Marie Claire

Jack Parow en sy vriendin, die model Jenna Pieterson, se baba is Dinsdag gebore.

Zander Tyler (29), bekend as die kletsrymer Jack Parow, het om 19:48 getweet: “Hello Ruby Tuesday!” Die babatjie se naam sal Ruby Tyler wees.

Parow het glo dadelik na hulle uitgevind het hulle is swanger vir Pieterson (24) DVD’s begin koop oor hoe ‘n baba in die ma se baarmoeder gevorm word. “Hy het vir my corny CD’s gegee: walvisklanke in Hermanus en operamusiek. Hy sê solank ‘n babatjie net baie liefde kry, sal als oukei wees,” het Pieterson Desember in ʼn onderhoud met Sarie gesê. “Ek en Zander kom uit liefdevolle, Christelike huise. En ek het groot geword met kamp-vakansies regoor Afrika en is aan die natuur blootgestel. Ons sal dít ook vir ons kind wil leer,” het Pieterson bygevoeg.

Pieterson het getweet: “Ruby slaap sedert 16:00 in my arms. Ongelooflik gelukkig en geseënd. Baie dankie vir al die ondersteuning.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.