Die liggaam van ʼn man is Woensdag op ʼn sypaadjie in Johannesburg gevind.
Edna Mamonyane, ʼn woordvoerder van die Johannesburgse metropolisie, het gesê die man se liggaam is omstreeks 06:30 deur metropolisiebeamptes op die die hoek van Elias Motsoaledi- en Khanyilestraat in Soweto gevind.
“Daar was geen tekens van wonde of beserings op die man se liggaam nie,” het Mamonyane gesê.
Die polisie is na die toneel ontbied en ʼn geregtelike doodsondersoek gaan gedoen word om te bepaal of die man weens die koue weer dood is, of moontlik vermoor is.
