Twee mense is Dinsdagoggend op die N1-snelweg in Midrand, Johannesburg, in hegtenis geneem nadat hulle die spoedgrens oortree het.
“Die 42-jarige man het teen 206km/h in ‘n 120km/h-sone met sy BMW gejaag,” het hoofsuperintendent Wayne Minnaar gesê. “Die 23-jarige vrou het teen 164km/h op dieselfde pad in haar Kia gejaag.” Die twee is elk op R1 500 borg vrygelaat. Die twee sal Donderdag in die landdroshof in Randburg verskyn op aanklag van spoedoortreding.