JHB-verkeersknoop ná skietery op M2

Die toneel naby aan die Main Reefweg-afrit Foto: @trafficsa, Twitter

Die toneel naby aan die Main Reefweg-afrit Foto: @trafficsa, Twitter

ʼn Man is Donderdag dood en ʼn ander beseer tydens ʼn rooftog in Crown Mines, Johannesburg.

“Drie mans het op die M2 op twee ander mans in ʼn Toyota-paneelwa geskiet,” het hoofsupt Wayne Minnaar, woordvoerder van die Johannesburgse metropolisie, gesê. “Een van die mans is op die toneel dood en ʼn ander is na ʼn hospitaal geneem.”

Die drie mans het glo die twee persone, wat in die paneelwa gery het, van ʼn onbekende bedrag kontant beroof en met ʼn grys Audi weggejaag.

Volgens Minnaar het die verkeer net voor 15:00 van Main Reefweg in Crown Mines begin opdam. Motoriste word aangeraai om die M2-afrit in die omgewing te vermy. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.